भारतीय दूतावास अगाडि पाक्यो ‘गुन्द्रुक र ढिंडो’ । अघोषित नाकाबन्दीको विरोध ।

 कान्तिपुर संवाददाता, काठमाडौं

आश्विन १०, २०७२- लाजिम्पाटस्थित भारतीय दुतावासको पूर्वी ढोकाअघिको सडकमा आइतबार साँझ ‘गुन्द्रुक र ढिंडो’ पाक्यो । पकाइरहेका थिए, एमालेको भातृसंगठन अनेरास्वयुका नेता तथा कार्यकर्ताहरूले । अघोषित नाकाबन्दीको विरोधस्वरुप सडकमा पकाइएको यो गुन्द्रुक ढिंडोको थप विशेषता के थियो भने, यो दाउराले पकाइएको थियो ।

दूतावास अगाडि दाउरा बालेर गुन्द्रुक ढिंडो पकाउने कार्यक्रम आयोजना गरेको थियो अनेरास्वयु काठमाडौं क्षेत्र नम्बर ६ ले । पकाउनु साथै विद्यार्थीहरुले नाकाबन्दीको विरोधमा नारा पनि लगाए ।

सडकमा पाकेको गुन्द्रुक ढिंडो विद्यार्थीहरुले दूतावासको गेट नजिक गएर खाएका थिए । ‘हामी जंगलको गिठ्ठा, भ्याकुर खाएर बाँच्छौं तर राष्ट्रिय स्वभिमानमा झुक्दैनौं,’ अनेरास्वयूकी सचिव राधिका खतिवडाले भनिन् । कार्यक्रममा अनेरास्ववियुको केन्द्रिय समितिका अन्य पदाधिकारी पनि उपस्थित थिए । उनीहरुले यो कार्यक्रम सांकेतिक विरोध भएको र भारतीय पक्षलाई सन्देश दिनका लागि कार्यक्रम आयोजना गरिएको बताए ।

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..