|
|
काठमाडौं, भदौ २८ । संविधानसभामा नयाँ संविधानको परिमार्जित विधेयकमाथि दफावार मतदानकोक्रम जारी छ ।
सोमबार साँझसम्ममा नयाँ संविधानको धारा ५७ सम्म पारित गरिएको छ । सोमबार बिहान ११ बजे सुरु भएको बैठक दिउँसो १ बजे डेढघन्टाको लागि स्थगित भएको थियो भने त्यसपछि सुरु भएको बैठक पुनः साँझ ५ बजे केही समयका लागि स्थगित
गरिएको थियो । त्यसपछि विभिन्न धाराहरु पारित गर्दै मंगलबार बिहान १० बजेसम्मका लागि सोमबार साँझ बैठक स्थगित गरिएको हो ।मंगलबार बिहान १० बजे बस्ने बैठकमा पनि दफावार मतदान जारी रहने छ । मंगलबार दिनभरमा दफावार मतदान टुंग्याउने प्रयासमा संविधानसभाको सचिवालय लागेको छ ।
सोमबारको मतदानले धर्मनिरपेक्षता खारेज गरी हिन्दूराष्ट्र कायम गर्नुपर्ने माग संविधानसभाको बहुमतले अस्वीकार गरेको छ । संविधान संशोधन विधेयकको धारा ४ मा धर्मनिरपेक्षताको व्यवस्था खारेज गर्न राप्रपा नेपालले गरेको संशोधन प्रस्ताव ध्वनी मतका आधारमा अस्वीकृत भएको हो ।
तर, उक्त धारामा ‘धर्मनिरपेक्षता भन्नाले सनातनदेखि चलिआएको धर्म संस्कृतिको संरक्षणलगायत धार्मिक, सांस्कृतिक स्वतन्त्रता सम्झनुपर्ने’ उल्लेख रहेको छ ।
यस्तै, धारा ८ मा राष्ट्रिय झन्डा परिवर्तनको प्रस्ताव अस्वीकृत गर्दै संविधानसभाले अहिलेकै राष्ट्रिय झन्डालाई कायम राख्ने गरी संविधानको परिमार्जित विधेयक पारित भएको छ ।
यस्तै, राष्ट्रिय जनावर गाई, राष्ट्रिय पंक्षी डाँफे र राष्ट्रिय फूल लालीगुराँस रहने धारा पनि संविधानसभाबाट पारित भएको छ ।
यसैगरी, संविधानसभाले मृत्युदन्डसम्बन्धी कानुन बनाउन नपाइने व्यवस्था पारित गरेको छ भने पैतृक सम्पत्तिमा लैंगिक भेदभाव बिना सबै सन्तानको समान हक रहने व्यवस्थासमेत पारित गरेको छ ।
संविधानसभाले प्रेसमाथिको प्रतिबन्धात्मक वाक्यांशलाई यथावत् राखेर पारित गरेको छ ।
संविधानसभामा तत्काल कायम रहेका ५ सय ९८ सदस्यमध्ये ५ सय ४० सभासद् संविधान निर्माणकोअन्तिम प्रक्रियामा सहभागी छन् । यो कुल सदस्य संख्याको ९० दशमलव ३१ प्रतिशत हो ।
मधेस केन्द्रित साना दलका ५८ सभासदले भने संविधानसभाको प्रारम्भिक मस्यौदा निर्माणको प्रक्रियादेखि नै संविधानसभा बहिस्कार गरिरहेका छन् । - See more at:
|
|
Post a Comment