|
|
आश्विन २, २०७२- तीन दलले मधेस केन्द्रित दललाई पुन: वार्ताको लागि आह्वान गर्ने निर्णय गरेको छ । आज बिहान प्रधानमन्त्री निवास बालुवाटारमा बसेको तीन दलको बैठकले यस्तो निर्णय गरेको हो ।
तीन दलले मधेस केन्द्रित दललाई वार्ताको लागि आह्वान गरेको यो दोस्रो पटक हो । तीन दलले आज ४ बजे बालुवाटारमा पत्रकार सम्मेलन गरेर वार्ताको लागि आह्वान गर्ने निर्णय सार्वजनिक गर्दैछन् ।
तीन दलले मधेस केन्द्रित दललाई पुन: वार्ताको लागि आह्वान गर्ने निर्णय गरेको एमाओवादी अध्यक्ष पुष्पकमल दाहालका स्वकीय सचिव तथा एमाओवादीका केन्द्रित सदस्य चुडामणी खड्काले जानकारी दिए ।
यसअघि प्रधानमन्त्री सुशील कोइरालाले पनि पटक पटक मधेस केन्द्रित दललाई वार्ताको लागि आह्वान गरेका थिए ।
संविधानको सीमांकनलगायत विषयमा असन्तुष्ट मधेस केन्द्रित दलहरु छुट्टाछुट्टै मोर्चा बनाएर आन्दोलनमा छन् ।
भारतीय प्रधानमन्त्री नरेन्द्र मोदीको दूतको रुपमा नेपाल आएका विदेश सचिव एस. जयशंकरको भ्रमण लगत्तै तीन दलको बैठकले यस्तो निर्णय गरेको हो ।
|
|
Post a Comment