|
|
भाद्र २५ गतेबाट देशव्यापी प्रदर्शनमा आउन लागेको चलचित्र लव लबले यति बेला राम्रै चर्चा पाइरहेको छ । विशेषत चलचित्रका संवादहरु अहिले दर्शकहरुको मुख मुखमा झुण्डिरहेको छ ।
संवादलाई निशाना बनाएर प्रचार प्रसारमा दौडिरहेको चलचित्र यूनिट लव सबले दर्शकहरुलाई हँसाउने मात्र नभएर रुवाउने पनि दाबी गर्छ । त्यस्तै चलचित्रकी नायिका करिश्मा श्रेष्ठ भन्छिन्, ‘चलचित्रले दर्शकहरुलाई पेटमिची मिची हसाउँछ र चलचित्र हेरेपछि दर्शकहरु रुन पनि बाध्य बन्नुहुन्छ ।’ चलचित्र राम्रै बनेको दाबी गर्दै उनी अगाडी भन्छिन्, ‘म चलचित्रमा एकदमै साधारण यूवतीको भुमिकामा देखिदैछु । म बाहिरबाट काठमाडौं मामा माईजुसँग पढ्न आएको हुन्छु र जुन केटीलाई लव सबमा कुनै चासो नै हुदैन त्यस्तो यूवतीको भुमिकामा म देखिएको छु ।’ उनका अनुसार पहिलो हाफमा चलचित्रले दर्शकहरुलाई पेट मिची मिची हँसाउँछ भने दोस्रो हाफ्बाट आँखा मिची मिची रुवाउनेछ ।
चलचित्र लव सब पारिवरिक चलचित्र भएका कारण सबैले एक पटक नछुटाइ चलचित्र हेर्नु पर्ने उनी बताउँछिन् । उनी अगाडी भन्छिन्, ‘चलचित्र लव सब पारिवरिक चलचित्र हो र यो चलचित्र सम्पुर्ण परिवार एकसाथ बसेर हेर्न मिल्ने बनेको छ ।’
कमेडी लभस्टोरी चलचित्र ‘लव सब’ मा संयम पुरी, सलोन बस्नेत, शिशिर भण्डारी, करिष्मा श्रेष्ठ, केके अधिकारी, अर्चना राई लगायतका कलाकारहरुको अभिनय रहेको छ । चलचित्रमा देव कुमार श्रेष्ठको निर्देशन रहेको चलचित्र लव सबमा सुशील पोखरेल र नरेन्द्र महर्जनको संयुक्त लगानी छ ।
|
|
Post a Comment