जनकपुरमा प्रहरीको गोली लागेर मृत्यु हुनेको संख्या दुई पुग्यो, पुरा पढ्नुहोस्:-

जनकपुरमा प्रदर्शनकारी र प्रहरी बीचको झडपमा प्रहरीको गोली लागेर दुई प्रदर्शनकारीको मृत्यु भएको छ । शुक्रबार दिउँसो जनकपुर मिल्स क्षेत्रमा प्रहरीको गोली लागेर दुई जनाको मृत्यु भएको हो ।

प्रहरीले चलाएको गोली लागेर धनुषा जमुनियाका १८ वर्षीया नितु यादव र सबेलाका विनोद साहको मृत्यु भएको जनकपुर अञ्चल अस्पतालले जनाएको छ । नितुको घटनास्थलमै र साहको उपचारका क्रममा अस्पतालमा मृत्यु भएको हो ।

मधेसी मोर्चाले आह्वानमा जारी ‘चलु जनकपुर भरु जनकपुर’ अभियानमा सहभागी नितु र विनोदको प्रहरीको गोली लागेर मृत्यु भएको हो ।

प्प्रदर्शनकारी जबरजस्ती जनकपुर नगरमा पस्न खोजेपछि प्रहरीले गोली चलाएको थियो । प्रहरीको गोली लागेर अन्य ११ जना प्रदर्शनकारी गम्भीर घाइते भएका छन् भने दर्जनौको संख्यामा प्रदर्शनकारी घाइते भएका छन् ।

प्रहरीको गोली लागेर गम्भीर घाइते भएकाको जनकपुर अस्पतालमा उपचार भइरहेको छ । प्रशासनले घोषणा गरेको कफ्र्यू तोड्न मधेसी मोर्चाले बिहिबार देखिनै गाउँगाउँबाट कार्यकर्ता ल्याएको थियो ।

जनकपुर नगर क्षेत्रमा प्रदर्शनकारीले प्रवेश गर्न खोज्दा भएको झडप अझै जारी छ । भिड नियन्त्रणमा लिन प्रहरीले सय भन्दा बढी राउन्ड गोली चलाइसकेको छ । प्रहरीले हवाई फायरिङ्गर्दा समेत प्रदर्शनकारी निशेधित क्षेत्रमा प्रवेश गरेपछि गोली चलाउनु परेको बताएको छ ।

- See more at:  Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..